Kreu i grupit parlamentar të Partisë Demokratike, Gazment Bardhi, ka kërkuar që policia të ndalë përgjigjen me fishekë gome ndaj protestuesve.

Bardhi kërkon hetim për çdo urdhër e veprim të paligjshëm dhe përgjegjësi personale e ligjore për përgjegjësit. Ai bën thirrje që studentët të dëgjohen e respektohen, si dhe të trajtohen kërkesat e tyre.

“Përdorimi i plumbave të gomës kundër studentëve vë në rrezik serioz jetën dhe sigurinë e tyre. Ndaleni menjëherë këtë dhunë! Çdo urdhër dhe çdo veprim i paligjshëm duhet të hetohet, dhe përgjegjësit duhet të mbajnë përgjegjësi personale e ligjore”, thuhet në reagimin e tij.

“Përdorimi i forcës dhe i armëve kundër të rinjve që ngrejnë zërin ka kaluar çdo kufi të pranueshëm. Studentët nuk heshten me plumba dhe nuk mposhten me dhunë. Zëri i tyre duhet dëgjuar, të drejtat e tyre duhen respektuar dhe kërkesat e tyre duhen trajtuar me përgjegjësi.”

“Ndalni dhunën. Respektoni studentët. Asnjë pushtet i korruptuar nuk është mbi të drejtat dhe jetën e qytetarëve!”

Burimi: Report TV