Policia e Maqedonisë së Veriut ka ngritur kallëzim penal ndaj tre burrave nga Shkupi, të moshave 25, 29 dhe 33 vjeç, për krijim grupi kriminal dhe posedim të paligjshëm armësh.
Hetimi, i udhëhequr nga njësia kundër terrorizmit në bashkëpunim me prokurorinë për krimin e organizuar, i lidh të dyshuarit me narrativa radikale dhe me plane hakmarrjeje për vëllezërit e tyre të dënuar vitin e kaluar për pjesëmarrje në organizatë terroriste.
Gjatë kontrolleve të së premtes në disa lokacione në Shkup u sekuestruan pushkë automatike, dy pistoleta, pushkë gjuetie dhe ajri, granatë tymi dhe municione të ndryshme. Autoritetet dyshojnë gjithashtu se grupi mblidhte fonde brenda dhe jashtë vendit, të destinuara për propagandë dhe blerje armësh.
Burimi: BalkanView
