Prokurorët publikë në Maqedoninë e Veriut zgjodhën sot, me votim të fshehtë, drejtuesen e re të Prokurorisë Themelore Publike për Krimin e Organizuar dhe Korrupsionin. Fituese doli Iskra Haxhi Vasileva, me 64 vota, duke lënë pas Trajçe Pelivanovin me 57 vota.
Në garë ishin gjithsej pesë kandidatë, mes tyre Faton Azizi me 14 vota, Jovan Cvetanovski me 30 dhe Lidija Raiçeviq me 6. Procedurën e drejtoi një komision i Këshillit të Prokurorëve Publikë.
Zgjedhja u bë pas përfundimit të mandatit të shefit aktual, Islam Abazi, i zgjedhur në tetor 2022, i cili nuk kërkoi mandat të dytë. Kandidatët i kishin paraqitur programet e tyre më 13 tetor, me theks te hetimet financiare dhe bashkëpunimi me institucionet e tjera.
Burimi: Portalb.mk
