Policia e Kosovës do t’i kthejë patentë-shoferët e mbajtur përkohësisht më gjatë se afati ligjor prej 8 ditësh, pas aktgjykimit të Gjykatës Supreme të datës 20 tetor, që e shpalli të paligjshëm dhe e shfuqizoi paragrafin 3 të nenit 17 të Udhëzimit Administrativ për Procedurat e Kundërvajtjes.
Kthimi i patentës nuk nënkupton rikthimin e së drejtës për të drejtuar automjetin — masa mbrojtëse e ndalimit mbetet në fuqi, dhe drejtimi gjatë saj dënohet me gjobë 500 euro, ndalim 6 muaj, 5 pikë negative dhe konfiskim të përkohshëm të automjetit.
Burimi: Telegrafi
