Brazili voton sot, më 25 tetor, në balotazhin presidencial mes presidentit në detyrë Luiz Inácio Lula da Silva dhe senatorit të djathtë Flavio Bolsonaro, pas një raundi të parë shumë të ngushtë.
Sondazhet e fundit të publikuara të shtunën tregojnë një barazim praktikisht të plotë: CNT/MDA i jep Bolsonaros 46,3 për qind kundrejt 45 për qind të Lulës, Datafolha 48 për qind kundrejt 47 për qind, ndërsa Quaest dhe AtlasIntel tregojnë diferenca po aq të vogla.
Në raundin e parë, më 4 tetor, Bolsonaro kishte fituar me 47 për qind kundrejt 45 për qind të Lulës, pa arritur shumicën e nevojshme për fitore të drejtpërdrejtë.
Bolsonaro, 45 vjeç, ka fushatuar me premtime për luftë ndaj krimit, ulje të shpenzimeve qeveritare dhe ndryshim politik, ndërsa Lula, 80 vjeç, ka vënë theksin te mbrojtja sociale, demokracia dhe programet e mirëqenies.
Rezultati do të përcaktojë nëse ekonomia më e madhe e Amerikës Latine i bashkohet zhvendosjes rajonale drejt së djathtës, apo mbetet një bastion i së majtës në rajon.
Burimi: TBS News — https://www.tbsnews.net/world/bolsonaro-lula-about-even-polls-brazil-runoff-vote-1581991
