Policia në Shkup ka privuar nga liria dy persona, M.F., 24 vjeç, dhe A.A., 65 vjeç, të dy nga Shkupi. Arrestimet u bënë më 28 tetor, në lokacione të ndryshme të kryeqytetit, gjatë kontrolleve policore.
Gjatë kontrollit ndaj tyre u gjetën dhe u konfiskuan një lëndë kokërrzore e bardhë dhe marihuanë. Policia nuk dha detaje të tjera për sasinë apo për rrethanat e secilit rast.
Pas dokumentimit të plotë të rasteve, ndaj dy personave pritet të pasojnë parashtresat përkatëse, sipas procedurës. Hetimet për origjinën e lëndëve dhe për veprimtarinë e të dyshuarve vijojnë.
Burimi: Tetova Sot
