Presidentja Gordana Siljanovska-Davkova është takuar në Parlamentin Europian në Bruksel me eurodeputetët Dan Barna, Thijs Reuten, Matej Tonin dhe Carlo Ressler. Në takim, ajo kujtoi statusin 21-vjeçar kandidat të vendit dhe përkushtimin e vazhdueshëm ndaj integrimit europian, të mbështetur me reforma të rëndësishme.
Sipas kabinetit presidencial, ajo theksoi se vullneti politik për përparim nuk duhet pritur vetëm nga vendet kandidate, por edhe nga vetë Bashkimi Europian, nga i cili duhen zgjidhje krijuese për të kapërcyer bllokadën shumëvjeçare, pa vënë në pikëpyetje identitetin kombëtar dhe kulturor maqedonas. Bashkëbiseduesit u pajtuan se vendi i Maqedonisë është në Bashkimin Europian, ndërsa dialogu i vazhdueshëm mund të rikthejë dinamikën e zgjerimit si investim strategjik në stabilitetin, sigurinë dhe unitetin e Europës.
Burimi: MakPress
