Kosova hyn në dimër pa njësinë B1 të Termocentralit Kosova B, me kapacitet 260 megavatë, dhe ajo nuk pritet të rikthehet në punë para përfundimit të sezonit dimëror. Punimet e modernizimit të turbinave nisën në prill dhe janë larg përfundimit, ndërsa KEK-u nuk ka treguar se kur përmbyllen.
Po realizohen edhe investime në elektrofiltra dhe në sistemin DeNOx, të financuara nga fondet IPA të Bashkimit Evropian. Njohësi i energjisë Adhurim Haxhimusa paralajmëron se mungesa e njësisë B1 do të sjellë probleme në dhjetor 2026 dhe janar 2027 dhe druhet reduktime.
Çmimi mesatar i energjisë është rreth 250 euro për megavat-orë në bursën e Hungarisë, shumë më i lartë se vitin e kaluar. Në pesë vitet e fundit Kosova ka importuar energji elektrike në vlerë mbi 1,03 miliardë euro dhe do të varet nga importi edhe këtë dimër.
Burimi: KOHA
