A matet forca e një proteste rinore me degët e bankave të sulmuara dhe shkatërruara (18 deri tani), me numrin e dyqaneve të celularëve të plaçkitur, me qindra biznese të dëmtuara dhe me institucionet shtetërore të dhunuara dhe djegura? Përgjigjja është e qartë: JO, shkruan Fatos Çoçoli në opinionin e tij të së shtunës.
Sipas tij, forca e një proteste rinore dhe qytetare nuk matet me dëmin që shkakton, por me ndryshimin që arrin të prodhojë: një protestë e fuqishme trondit ndërgjegjen publike, sfidon padrejtësitë, artikulon kërkesa të qarta dhe detyron institucionet të japin llogari — pa pasur nevojë të shkatërrojë kryeqytetin, të djegë një institucion shtetëror apo të sulmojë një bankë.
“Të rinj duhet të refuzojnë çdo rol që i kthen në mburojë të dhunës. Ata nuk duhet të pranojnë që energjia e tyre, idealizmi i tyre dhe zemërimi i tyre qytetar të përdoren për të legjitimuar akte të vandalizmit dhe shkatërrimit. Një kauze të drejtë i humbet drejtësia, kur shoqërohet me dhunë”, përfundon ai.
Leave a Reply