Ardit Gjebrea u paraqit më 7 nëntor në SPAK, ku u mor në pyetje për rreth 2–3 orë si person në dijeni, për dosjen e kryebashkiakut të arrestuar Erion Veliaj.
Sipas verifikimit të CNA-së nga burime zyrtare të bashkisë dhe transfertat e saj, bashkia e Tiranës i ka dhënë Gjebreas rreth 600 milionë lekë për evente dhe aktivitete kulturore e sociale që nga marrja e detyrës nga Veliaj — rreth 50–80 milionë lekë në vit në 10 vitet e fundit.
Miliona të tjera i janë dhënë Gjebreas edhe nga Arbër Veliaj, vëllai i kryebashkiakut, përmes kompanive që reklamohen në eventet e tij.
Gjebrea deklaroi se çështja është sekret hetimor, se ishte hera e parë në SPAK dhe se prokurorët ishin miqësorë; ai i ftoi ata në emisionin e tij “E diela Shqiptare”.
Burimi: Shqiperia.com
