Ministri i Jashtëm i Zvicrës, Ignazio Cassis, viziton sot Kosovën, në kuadër të një turi zyrtar në tri shtete të Ballkanit Perëndimor, që zhvillohet nga 4 deri më 6 nëntor.
Gjatë qëndrimit në Prishtinë, Cassis pritet të takohet me presidenten e Kosovës, Justina Shiroka Pula, kryeministrin Albin Kurti dhe ministrin e Punëve të Jashtme, Glauk Konjufca. Në fokus të bisedimeve do të jenë forcimi i marrëdhënieve dypalëshe, integrimi evropian dhe promovimi i paqes, stabilitetit e sigurisë në rajon, si edhe marrëveshja e tregtisë së lirë ndërmjet Kosovës dhe Zvicrës në kuadër të EFTA-s, e cila ka hyrë së fundmi në fuqi. Në agjendë është edhe mbështetja zvicerane për dialogun ndërmjet Kosovës dhe Serbisë.
Gjatë vizitës, ministri zviceran do të qëndrojë edhe në misionin paqeruajtës të NATO-s, KFOR, ku Zvicra kontribuon që nga viti 1999 përmes kontingjentit SWISSCOY, si dhe do të vizitojë misionin e OSBE-së në Prishtinë — organizatë të cilën Zvicra e kryeson këtë vit. Parashikohet edhe inaugurimi i hapësirave të reja të ambasadës zvicerane.
Burimi: Sinjali
