Protestat e të rinjve kundër kostos së jetesës dhe shkurtimit të shpenzimeve sociale u përshkallëzuan në dhunë mbrëmjen e së shtunës në Gjermani dhe Francë. Nën thirrjen “Gen Z regelt!” (Brezi Z e merr në dorë), dhjetëra mijëra të rinj dolën në 34 qytete gjermane — Berlin, Frankfurt, Hamburg, Mynih, Këln — kundër qeverisë së kancelarit Friedrich Merz, duke kundërshtuar rritjen e shpenzimeve ushtarake dhe shërbimin ushtarak të detyrueshëm.

Në Frankfurt, grupet e maskuara thyen vitrina dhe plaçkitën dyqane në rrugën tregtare Zeil, duke përfshirë një dyqan armësh — një i dyshuar u arrestua dhe dy armë u sekuestruan. Policia përdori autobotë uji dhe spraj piper; disa efektivë u plagosën. Dhunë edhe në Hamburg (barrikada të djegura), Këln dhe Berlin — rreth 100 arrestime vetëm në Frankfurt.

Në Francë, protestat e të rinjve vazhduan për të tretën javë radhazi: mbi 320 mijë pjesëmarrës, gaz lotsjellës dhe më shumë se 565 arrestime në të gjithë vendin. Protesta kundër kostos së jetesës u regjistruan edhe në Itali e Portugali.