Kuvendi i Republikës së Kosovës ka miratuar sërish në lexim të dytë Ligjin për Byronë për Verifikimin dhe Konfiskimin e Pasurisë së Pajustifikueshme. Lajmin e bëri të ditur kryeministri në detyrë, Albin Kurti.
Kurti tha se ligji ishte dërguar dy herë në Gjykatën Kushtetuese, fillimisht në shkurt të vitit 2023 dhe më pas në dhjetor të vitit 2024, pasi ishte miratuar në Kuvend. Ai falënderoi deputetët për votimin dhe theksoi se miratimi i tij është vonuar për më shumë se tre vjet e gjysmë.
Sipas Kurtit, vonesat nuk do ta ndalin synimin që pasurimi në Kosovë të jetë i drejtë, i pastër dhe në përputhje me të hyrat e personave që e posedojnë. Miratimi në lexim të dytë shënon një tjetër hap në procesin legjislativ për krijimin e mekanizmit të verifikimit të pasurisë së pajustifikueshme.
Burimi: Radar Report
