Prokuroria Themelore në Mitrovicë, së bashku me Policinë e Kosovës, AKI-në dhe Doganën e Kosovës, zhvilloi kontrolle në disa lokacione në veri të vendit kundër kontrabandës së mallrave të futura nga Serbia nëpër rrugë ilegale malore, duke iu shmangur kontrollit doganor. Gjatë aksionit u sekuestruan mbi 22 automjete dhe mallra me vlerë doganore mbi 200 mijë euro — kryesisht produkte ushqimore, pije alkoolike e energjike, cigare dhe barna pa banderola, produkte higjienike dhe tekstil. Hetimet kishin nisur në prill, me mbi 20 aksione në zonat kufitare të Zubin Potokut, Zveçanit, Leposaviqit dhe Mitrovicës së Veriut, ndërsa të dyshuarit akuzohen për veprat “Kontrabandimi i mallrave” dhe “Tregtia e ndaluar”.
Burimi: Gazeta Express
