Nina Nedanovska, nënkryetare e Bordit Drejtues të Sparkasse Bank, ka theksuar angazhimin e bankës për mbështetje të normalizimit të politikave monetare në Maqedoninë e Veriut, veçanërisht pas stabilizimit të inflacionit në vend. Ajo e bëri këtë deklaratë gjatë një takimi të përbashkët të organizuar nga Erste Bank dhe Sparkasse Bank, ku u diskutuan mundësitë për zhvillim të mëtejshëm ekonomik.
Sipas Nedanovskës, një nga prioritetet për vitin 2025 është investimi në sektorin e biznesit dhe dixhitalizimit, me qëllim të mbështetjes së ekonomisë vendase. Ajo theksoi se, si njëra nga pesë bankat kryesore në Maqedoninë e Veriut, Sparkasse Bank ka plane ambicioze për rritjen e tregut në të gjitha segmentet e mundshme ekonomike.
Nedanovska shtoi se strategjia 5-vjeçare e bankës për rritje parashikon një investim prej 65 milionë euro në dixhitalizim dhe infrastrukturë, që reflekton angazhimin e bankës për të qenë një partner i fuqishëm për qytetarët, bizneset dhe ekonominë e vendit. Ky angazhim ka për qëllim të kontribuoni në zhvillimin ekonomik dhe përmirësimin e shërbimeve financiare për klientët dhe sektorin e biznesit në Maqedoninë e Veriut.
Komento