Dy punonjës të institucioneve shtetërore janë akuzuar për keqpërdorim të pozitës dhe autoritetit zyrtar. A.B., i punësuar në Drejtorinë për menaxhimin e librave amë, ka lëshuar certifikata lindjeje për persona që nuk ishin të pranishëm në vend dhe ka ndërmjetësuar për shtetësi për shtetas të huaj, kryesisht nga Turqia, duke përfituar mes 400 dhe 800 euro për secilin rast. Kjo ka shkaktuar dëme në buxhetin e shtetit.
Ndërsa A.S., këshilltare për shtetësi në Ministrinë e Punëve të Brendshme, ka marrë dokumente për shtetësi për persona që nuk ishin prezentë dhe nuk kishin dorëzuar kërkesa personalisht, në shkelje të Ligjit për Shtetësinë.
SPB Veles ka dorëzuar kallëzim penal në Prokurorinë Themelore Publike Veles kundër tyre për keqpërdorim të pozitës dhe autoritetit zyrtar.
Komento