Fitorja e Donald Trump në zgjedhjet e fundit ka pasur një ndikim të fuqishëm në bursat botërore dhe tregjet financiare. Dollari amerikan shënoi një rritje të dukshme kundrejt euros, duke reflektuar atë që është quajtur “tregti e Trampit”. Tregtarët dhe investitorët kanë kthyer vëmendjen e tyre në politikat ekonomike të ish-presidentit, të cilat parashikojnë rritjen e doganave dhe uljen e taksave korporative, duke nxitur inflacionin dhe duke mbajtur shkallën e lartë të kamatave. Ky plan i Trumpit është parë si një stimul i mundshëm për rritjen e vlerës së dollarit.
Indeksi i dollarit i krahasuar me valutat e tjera u rrit për 1.5%, ndërsa Bitkoini gjithashtu arriti në vlerën më të lartë të të gjitha kohërave, duke shkuar në 75 mijë dollarë. Rritje të konsiderueshme patën edhe kriptovalutat e tjera. Po ashtu, Tregu DAX i aksioneve në Gjermani shënoi një rritje, duke reflektuar optimizmin në tregjet evropiane.
Sipas Robert Halver, udhëheqës i analizave të tregjeve në Frankfurt, fitorja e Trumpit do të ofronte mbështetje për tregjet evropiane, sidomos për aksionet që fokusohen në eksport, ndërsa për aksionet e SHBA-së do të kishte rritje të vazhdueshme në afat të shkurtër, të mesëm dhe afatgjatë. Halver shtoi se Trump është i njohur për orientimin e tij pro-ekonomisë dhe se vlera e aksioneve në botë pritet të rritet, përveç Kinës, për të cilën ai parashikon një rritje të tarifave dhe pasiguri ekonomike, duke e vështirësuar situatën për bizneset kinezë.
Ky zhvillim tregon një lidhje të ngushtë mes politikave ekonomike të Trumpit dhe reagimeve në tregjet globale, ku investitorët kërkojnë mundësi përfitimi nga ndryshimet që ai mund të sjellë në ekonomi.
Komento