Muzikali francez “Molière, l’Opéra Urbain” u shfaq për herë të parë në Serbi, me premierën më 30 tetor dhe shfaqjen e dytë e të fundit më 31 tetor, në Sallën e Kaltër të Sava Centar në Beograd. Premiera u prit me duartrokitje të gjata nga publiku beogradas.
Shfaqja, me rreth 30 interpretues, sjell në skenë jetën e dramaturgut të madh francez. Autor, drejtor artistik dhe producent është Dove Attia, ndërsa regjia është e Ladislas Chollet dhe rolin kryesor e luan Yanis Richard. Premiera botërore u mbajt në vjeshtën e vitit 2023 në Dôme de Paris.
Pas dy vitesh turne në sallat më të mëdha të Francës, shfaqja ka udhëtuar edhe në Zvicër, Belgjikë dhe Kinë, duke e kthyer historinë e Molierit në një spektakël muzikor me ritëm urban.
Burimi: Srpske Novine
