Mbi 70 mijë qytetarë janë regjistruar deri tani për vaksinim falas kundër gripit sezonal përmes aplikacionit vakcinacija.mk. Sipas Ministrisë së Shëndetësisë, 6.282 persona nga grupet e rrezikut janë vaksinuar tashmë.
Vaksinimi bëhet në 31 pika në gjithë vendin, prej tyre pesë në Shkup: poliklinikat Idadija, Bitpazar dhe Gjorçe Petrov, Qendra për Shëndet Publik – Shkup dhe Instituti për Shëndet Publik. Vaksinimi falas u dedikohet personave mbi 65 vjeç, të sëmurëve kronikë, punonjësve shëndetësorë, grave shtatzëna dhe fëmijëve nga 6 muajsh deri në 5 vjeç.
Ministria u bën thirrje grupeve të rrezikut të vaksinohen me kohë, për të ulur rrezikun e formave të rënda të gripit dhe komplikimeve që ai mund të shkaktojë.
Burimi: Republika
